قصة كل يوووووووووووووووووووووووووم

انا بقي جاي
انهارده احكيلكم حكاية كل يوم

صحيت من
النوم علي التليفون كان عمال يرن يرن
ده مش ميزد ولا حتي كول ده المنبه كان بيزن

... طفيته وجريت اغسل وشي .. لقيت المايه مقطوعه
قولت افطر عقبال ماتيجي .. اتاري امي علي الطابونه ملطوعه

قولت اتسلي واكوي لبسي لحد ماتيجي حاجه من الاتنين
حطيت الفيشة بتاعت الماكوه ، وقطعت الكهرباء بعد دقيقتين

لبست ومشيت وانا بقول تيت تيت تيت تيت
لبسي مبهدل ، وشي معمص ، وشكلي زي العفاريت

دخلت المكتب والكل باصصلي ، مانا شكلي زي الهاربيين
قميص مكسر وش مكشر شعري واقف زي المجانين

قولت ياواد متاخدش في بالك شوية والوضع يروق
سيبك منهم وشوف حالك ، ناس تعبانه وعاوزة تفوق

بشغل الكمبيوتر ملقتش الويندوز ، دمي فار زي الحريق
لقيت مديري بيقولي شاطر .. انت متحول للتحقيق

لبسي مكسر ، وشي مكشر ، ناس بصالي ويندوز محروق
مديري بيزعق وعمال يهزق ويقولي دي شركة مبتقش سوق

جالي مكالمة في نص اليوم من شركة محتاجه لغات
قولت الدنيا هتضحك تاني وياواد انسي كل اللي
فات

زميلي بيقولي شكلك مبسوط متفرحني ياعم معاك
وايه يعني حرقت الويندوز سيبك منه ياعم فداك

قولتله مهما عملت ياصاحبي انسى انسى انا مش
هقول
بطل خبث وحيلة ومكر ده انا واد صاحي مش واكل فول

لو عاوزين يحققوا معايا انا مستعد اسيبلهم مكاني
ده انا الف شركة مقدم فيها وكل الشركات تتمناني

عدت ساعه بعد المكالمة ، رحت لقيت مكالمة كمان
نفس الرقم نفس الراجل ، دي حاجه ولا في الاحلام

لقيت بيقولي معلش ياشاطر ده تشابه كان في الأسماء
مش انت اللي مطلوب ده واحد تاني بس سكرتيري جاله غباء

لبسي مكسر وشي مكشر ناس بصالي بكل غباء
مدير بيزعق عمال يهزء وتشابه كان في الاسماء

خلص اليوم ، ركبت تاكسي ، وقولتله بينا عالبيت علي طول
مديري رفدني ودموعي علي خدي وبنطلوني كان مبلول

السواق كان ماشي بسرعه ، فرامله سابت مانا منحوس
بهدل خمسة بسبب السرعه ، وياعيني دلوقتي محبوس

اغمي عليا من اللي شفته ، ماهو يوم خلاني
مدبوح
لقيت واحده بتقولي اصحي لحسن ميعاد شغلك هيروح

اتاريني كنت نايم بحلم ، وصحيت منه اعصابي مفزوعه
خايف ادخل اغسل وشي الاقيها فعلا مقطوعه
:شكرا: :شكرا:

ميرسي جدا على الكلمات الطيبة اخى العزيز

جميل ربنا يوفقك

(¯`•._(¯`•._( , , تقبل منى التحية على موضوعك الهدية . , , )_.•´¯)_.•´¯)
(¯`•._(¯`•._( , , .تقبل منى الاحترام على موضوع التمام. , , )_.•´¯)_.•´¯)
(¯`•._(¯`•._( , , .من كل قلبى بشكرك. , , )_.•´¯)_.•´¯)
(¯`•._(¯`•._( , , .ربنا يعوض تعب محبتك , , )_.•´¯)_.•´¯)

ميرسي ربنا يباركك على كلماتك الحلوة

ربنا موجود

اجتمعو ولا تتفرقو فالشيطان يجول بينكم يحاول تفريق شملكم
نعم للفريق احمد شفيق كرئيس لمصر

قصة كل يوووووووووووووووووووووووووم 537512_300690523357830_946207945_n

Thank you Jesus bless you on the subject

مية مية يامعلم تسلم ايدك ايوة كدة المسيح الهى الحى
بالتوفيق