الله محبة

كن قدوة في المحبة
*************

كن قدوة في المحبة † خد الهك ليك مثال
اللي حب كل العالم † اللي كان هالك لا محال
وانت كنت واحد منهم † خطاياك زادت كالجبال
وبذنوبك كنت مُعرَّض † للدينونة والسؤال
لكن ماهنتش عليه † تضيع وتهلك في الضلال
ما انت صنعة ايديه † ازاي يسيبك للوبال
احزانك واوجاعك † هو عنك اللي شال
دبر خطة عظيمة لأجلك † يكون ليك فيها انتشال
لما ضحى بأعز ما عنده † ابنه الوحيد هو البدال

يرفع عنك القصاص † وعلى الصليب دمه سال
قصة الحب العجيب † بتحكيها كل الأجيال
بيعلمنا الرب فيها † نحب مهما كان الحال
ونتغاضى عن الاساءه † ولا نتكبر ولا نتعال
ولا نكون سبب بغضة † ولا ندّي لإبليس مجال
ولا تخلي آذانك تسمع † لأي كلام يتقال
وتحب قريبك كنفسك † عدوك عامله باحتمال
المحبة لا تحسد ولا تحقد † وانسى لأخوك الازلال
لا تقاوم الشر بالشر † بالخير خليك فعَّال

دي المحبة لا تسقط ابدًا † مهما حاولوا الجهال
انت الرب يكافئك † وعليهم تعود الأعمال
لأنه امين وعادل † يستحق كل الإجلال

*******

اخطات ربى اخطات
اخطات الهى وندمت
ندمت على اخطائى وبكيت
صرخت لك من قلبى ورجعت
اخطات ربى فيما فعلت
فازل يارب اثم عبدك لانى
انحمقت
الهى انا فى الخطية قد تلوثت
فسامحنى كلى اصبح لك اخطات
سامحنى يارب القوات
واغفر لى يارب الرافات
( من اشعار البابا شنودة )

*******

عايز يارب أرجع اليك أنا بعيد عنك لكن بحبك عايزك تتأكد من الحقيقه دى تماماأنا بعيد عنك لكن بحبك اوعى تفتكر كمن انى بعيد أننى تركت محبتك ابداجايز أنا تركت نشاطى تركت ممارساتى تركت عبادتى لكن لم أترك محبتك ابدا أنت تعلم أنى أحبك
أنا يارب عايز أرجع اليك أين ترعى أين تربض عند الظهيره أزاى أوصلك أزاى أرجع الى حالتى الأولى أزاى أتوب أزاى أوصلك أزاى أعيش معاك العيشه بتاعت زمان أزاى نصطلح أزاى ارحع الى محبتى الأولى أخبرنى يامن تحبه نفسى لأن أنا مش عارف أنا بطلب أنك تخبرنى لأن أنا مش عارف ضللت الطريق ضللت مثل الخروف الضال فأطلب عبدك لأنى لوصاياك لم أنسى أكشف عن عينيا لأرى عجائب من ناموسك عرفنى يارب طرقك وفهمنى سبلك أنا عايز أشوفك عايز أتمتع بيك عايز أعيش معاك أخبرنى يامن تحبه نفسى أين ترعى اين تربض عند الظهيره ......
( من كلمات البابا شنودة )

*******