لية كدة؟

موضوع: لية كدة؟ الثلاثاء سبتمبر 25, 2012 9:50 am

ليه كده انا بحبك.........؟
بعد اما ضحيت بكل حاجه وكان عندي استعداد اخسر حياتي علشانك بتكسرني ليه سبتني ليه حد يقولي ايه غلطتي انا حبيتك بجد واديتك قلبي انا ماكنتش عايز منك حاجه غير اني احس بالحنان انا كنت تعبان وجايلك وكل اللي كنت عايزه ان حد يحس بيا لقيتك انتي اول واحده داست عليا
قلبي كان كل اللي طالبه يحس بحنان يعوضه عن قساوه اللي شافه ليه تخونوه وتدبحوه؟
بس انا لقيت حد سال فيا وبيحس بيا عايش معايا في الكبيره والصغيره هو جنبي كل همه يسعدني وانا مافكرتش فيه لحظه
شماله تحت راسي ويمينه تعانقني مش ايه عاديه لكن ده اللي عمله بعد اما الكل اتخلي عني انا روحت اصلي وكان معايا اتعاب الدنيا وشايل هموم كتير انا كنت بتخانق معاه بس هو كان باصص لي وساكت هداني وبعدها اخدت صورته في حضني ونساني كل حاجه وحسيت اني اتولدت تاني دخل جوايا احساس عجيب قعدت اضمه لحضني اكتر وكان نفسي ادخله جوايا
...مش كلمات تعالوا اليا ياجميع المتعبين وثقيل الاحمال وانا اريحكم لانه فعلا ريحني حسيت ان في جبال كانت عليا بس بعد الصلاه وبعد اما اديته كل شي حسيت ان كل الجبال اتشالت وحسيت ان جوايا فرحان مش عارف ليه انا وبقيت ابصله واضحك
مش كلام وخلاص عند كثره همومي في داخلي تعذياتك تلذذ نفسي انا انسان ماعرفش يعني ايه حنان ولاحب عايش غريب وسط اقرب الناس ليا الكل جرحوا فيا وقعدت ايام ادخل اوضتي وافتكر وتصعب عليا نفسي وساعات كنت ببكي ومش عارف ليه اصلا بس كنت بلاقي عنين المسيح فيها حاجه بتشدني ولما بركز فيها بتريحني وبنسي كل شي
انا كنت ذي المجروح علي الطريق مسروق منه فرحه وايامه وكل شي لكن جه السامري الصالح اللي عوضني عن كل شي واداني اكتر من اللي كنت بتمناه

موضوع: رد: لية كدة؟ الثلاثاء سبتمبر 25, 2012 5:19 pm

شكرا على الموضوع المتميز
ربنا يبارك عمل ايدك ويعوض تعبك خير

Thanks too all my heart
Jesus bless your life