معجزه لقداسه البابا شنوده الثالث اخوكم / نزية فاروق حنا 01279725210

معجزه لقداسه البابا شنوده الثالث
بسم الثالوث الاقدس الاب والابن والروح

لقدس اله واحد

أمين

معجزه لقداسه البابا شنوده الثالث اخوكم / نزية فاروق حنا 01279725210 574463_509800105726128_1023752633_n

أنا اسمى / نزيه فاروق حنا متزوج ومعى 3 أطفال فى البداية خالص فى بداية
شهر أبريل 2012 حسيت بتعب وذهبت للكشف عادى تخيلت قولون اوعسر هضم فكشفت
عند دكتور باطنه إسمه د / رافت عطا بالراعى الصالح قال لى اعمل تحاليل صورة
دم كاملة وعملت التحاليل اتضح ان نسبه انزيمات الكبد عالية فطلب منى عمل
سونار للجهاز الهضمة فكر قال لما لقى الانزيكات طلب ايضاً تحليل فيروسات
طلع عندى فيروس ( C ) وكانت النسبة P.C.R بين وجود الفيرس وذلك بالاضافة للتحاليل التى قدمتها ومرفق صورة منها وكان كاتب لى تقرير باخذ الحقن ( Interferon ) فاتصلت بالدكتور المعالج بمعهد الكبد وقلت له ان اعانى من وجود فيرس ( C
) وسألنى بالتحديد عن نسبة تليف على الكبد كام قلت نسبة التليف 4 / 6 وكان
الرد على السؤال ان كده انت فى مرحلة متاخرة جداً ولاداعى لاخذ كورس الحقن
لانها لا نتيجة لها مع النسبة العالية قالى اقل نسبة 3/4 وذلك يختلف عن
النتيجة الموضحة وخلاص رضيت بالامر الواقع وهاسلم حياتى لربنا وهو يدبر
الامر كما يرى فكان لى اخ معى يعانى من نفس المرض وقدم اوراقة لكن نسبة
التليف اقل منى بكثير وذهب لمعهد الكبد واخذ كورس الحقن وان النتيجة لو ذى
ما هى يبقى بلاش عمل الحقن حتى لا تتدهور أكثر فقال لى طالما هماعايزين
النسبة دى انا هطبع نفس صورة التحليل الخاص بى ليك حتى تتمكن من اخذ كورس
الحقن ( تزوير بل بلدى ) وكان كلام الدكتور لى ان يتولانى المولى فاخذت
الحقن لمدة 3 شهور وقبلها التحليل المزور بتاع اخويا فى خلال الثلاث شهور
بعد مضى شهر من تناول كورس الحقن وانا باصلى سمعت صوت يقول لى انت عايز تخف
قلت ايوه طبعاُ مفيش قدامى حد اكلمه غيرك انت يارب فجاة لقيت صورة البابا
شنودة قدامى بيقولى تعالى لى وانت هاتخف وكان الرد انى هجيلك حتى لو زاحف
على ايديا ورجليه انا بأشتغل فى شركة فى 6 أكتوبر يوم الخميس اخر الاسبوع
بنمشى من الشغل 3:30م نزلت عند طريق اسكندرية الصحراوى ومن عربية الشغل
وكان فى نيتى اروح لقداسة البابا مشى على الاقدام وكان فى اعتقادى اول ما
نزلت من عربية الشغل انى هاروح مش كنت بتخيل ان قداسة البابا منتظرنى عند
اول طريق المحور ومارمينا ومارجرجس والست العذراء وملك المجد يسوع كلمت
مارجرجس قلت انت بالحصان الابيض بتاعك لانى ضعيف اى عقبة قدامى هاتقابلنى
انت تسبق قدامنا بحصانك وتشيلها لانى مش قادر وانا واثق ان ربنا معايا ومش
هايسيبنى مش هيكلفنى وكان معايا التحاليل الخاصة بى اللى كانت معايا فى
البداية عملتها ووصلت الدير الصبح الساعة 6:30 صباحاً ورحت المزار الانبا
بيشوى حطيت على جسدة التحاليل بتاعى وطلبت منه انه يشفينى ويشفى كل المرضى
ورحت مزار قداسة البابا قلت انا جيت لك ذى ما قلت لى وانت عارف انى جيت هنا
ازاى قلت انت فى الاجتماعات اللى كنت بتعملها لنا يوم الاربعاء باخذ
مشاكلكم وهمومكم وباعرضها على رب المجد انا جايب تحاليلى وهمومى ومشاكى
وبقدمها لك وانت تتصرف اخذت بركة القداس من الدير وتناولت ورجعت بعدها
بشهرين المفروض بعد تناول 12 حقنة بالتحديد أعمل تحليل P.C.R
اللى هو مرفق مع التقرير اللى بيفيد عدم وجود فيرس نهائى لكن ده كورس علاج
لازم يتاخد لمدة سنة طبعاً الكلام ده انا عمرى ما كنت اصدق ان نتيجة
التحليل كدة لدرجة ان اخويا بنسبة ضعيف جداً بالنسبة لى فالمفروض بالعقل
البشرى اخويا يخف الاول او يكون للحقن نتيجة فكان تخيلى ان النسبة بتاعتى
هتزيد ولكن اخويا مصر اللى جاب التحاليل الاخيرة لقيته بيقولى ان نسبة
الفيرس لا توجد نهائياً وده مرفق مع التقرير لدرجة بقيت طاير من الفرحة
لحدوث المعجزة اللى انا ماستاهلهاش عايز اتاكد من الكلام د5 أخذت الورقة
بنسبة 4/6 معايا لمعهد الكبد وتم عرضها على الدكتور الاستشارى مع التحليل P.C.R
لقيت الدكتور بيبارك وبيقول مبروك وانت كدة متاح انك تكمل علاج معانا وبعد
بلاغى بهذا الكلام عرضت عليه الورق بتاعى تليف الكبد فسرلى الكلام ده يا
دكتور يا ترى ينفع انه يحصل كده وصار حتى بالتقرير المزور ورد على وقال
ربنا قادر على كل شئ وكملت الحقن لمدة 3 شهور ثانى وفى خلال
3 شهور الاخرين سمعت صوت سيدنا بنفسه بيقول لى هو انت علشان خفيت هتنسانى
ولا هاتجينى قلت له انا هاجيلك وهاقول للعالم كله انا جيت لك ازاى مع ان
مش انا اللى جيت لك وانت اللى جبتى وكان المقصود بهذا الكلام ان ذى ما هو
اثبت لى بالتحاليل ان دى يد ربنا ودى معجزة من قداسة البابا بالتحاليل اللى
قدام حضراتكم والتقارير اللى قبل وبعد المعجزة دة اكبر دليل على ان دى يد
ربنا من اخذ الحقن طبعاً انا باخذ الحقن دى كل يوم خميس اى حد عنده خلفية
عن حقن الانترفيرون بتعمل ايه فى جسمه تكسر الجسم جداً لمدة 2 يوم لا يقدر
المريض ان يتحرك نهائى ولو مش مصدقين متاح لحضراتكم تسالوا اى دكتور بيمارس
الكلام دة تستفسروا عن اخطار هذه الحقن صممت انى هاروح له لان مش انا اللى
هاروح ده هو اللى هيودينى وكان يوم الخميس الساعة 12.00 بعد تناول الحقن
طلعت من المستشفى على طول على اول الطريق الصحراوى ونزلت من العربية وروحت
له ذى مارحت اول مرة خذت معايا برده التحاليل بتاعتى وبتاعت اخويا لان
فرصتى لم تكتمل كان نفسى يعمل معجزة مع اخويا والنتيجة تبقى كويسة ذى ما
عمل معايا بس هو له اراده فى ده لاجل يبين حتى على الاقل المعجزة لاهل بيتى
مش من الحقن طلبت من ان لو عملت معايا معجزة كل اللى هاشوفه وهاقابلة
هاحكيلة على المعجزة الجميلة اللى انت عملتها معايا وكانت امنيتى وكثير من
زملائى قالوا لى لازم تعرض المعجزة على اى قناة من قنواتنا المسيحية وكانت
اخر حاجة لى وصلت لها ان اتوجه لقناة Me sat واكيد ربنا هيتمجد وتكون سبب بركة فى الاخرين.
نصيحتى لكل مسيحى : ثق ان الله معاك فى كل وقت وكل
لحظة وكل ما تطلبن منه ينفذه بس هو كل اللى طالبه منك ( قلبك ) وانا ماشى
فى الطريق اثبات لهذا الكلام انا ماكنتش بفكر انى اخذ اكل او شرب او اى
حاجة خالص طبعاً الطريق الصحراوى ليلاً فمظلم جداً وانا مش بقول الكلام دة
علشان انا خايف بس فى حاجات عايز اوصلها ليكم من خلال كلامى وانا من كثره
صلاتى وانا ماشى فى الطريق وطلباتى للمرضة كلهم اذكر لكم سابقاً انى روحت
الدير بعد تناول الحقن فى تمام الساعة وايضاً قلت لكم اضرار الحقن منها
سيبان الاعصاب تماما ونشفان الريق جداً فكان نفسى اشرب مياه فى الطريق او
ابلل ريقى باى شئ سائل واحساسى ان حلقى ناشف جداً طلبت من ربنا قلت له يارب
عين ضعفى وانت عالم وانا محتاج اية طبعاً هو عارف انا محتاج اية الا وهو
العطش الشديد فجاة وانا ماشى بعد ما خلصت هذه الطلبة من ربنا لقيت زجاجة
مياه معدنية صغيره على الرصيف شربت وقلت له اشكرك يارب مع انى انا لا استحق
كل هذه العناية على فكرة انا كنت مستعبد للمخدرات والسجائر ربنا قوانى
وبطلبت كل شئ وبكون حريص انى لن اغضب الله ثانية لانى كان قدامى ستاره
سوداء كانت حاجزة بينى وبين ربنا نوره الجميل لما بيلمس قلب الواحد ممكن
يعمل معاه احلى من كدة بكثير .
دى نصيحتى لاى واحد بعيد عن ربنا لان هو يرى كل شئ ويسمع كل شئ ويعمل كل شئ ومع راى سيدنا البابا .
ويارب تكون هذه المعجزة سبب بركة للكثيرين وده اللى نفس ربنا يتمجد ويلمس قلب ناس كثير وخاصة الشباب اللى انا كنت مثلهم .

اخوكم /
نزية فاروق حنا
01279725210

♥♥ شارك صفحتنا على الفيس بوك ♥♥

» معجزه لقداسه البابا شنوده البابا شنودة يظهر لرجل ويقوله ربنا هيديك ولدين
» حصريا 2012 فيلم همسه حب للبابا شنودة التالت فيلم من اروع مايكون من جزئين لقداسه البابا شنوده الثالث
» اكثر من 100 كتاب لقداسه البابا شنوده