سؤال محرج بس ارجو الرد عليه بسرعة؟

معلش انا بس نفسى اسال الؤال دة وانا واثقة ان فيه بنات كتير ممكن يعانوا منه

انا مخطوبة بس للاسف ان الافكار دايما بتجاربنى وبتحلينى افكر فى خطيبى من ناحية العلاقة الزوجية انا بصراحة مش عارفة هل دة صح وللا غلط بس انا بحاول كتير احارب التفكير دة وبشغل نفسى باى حاجة تانية بس الشيطان بيرجع تانى ويحاربنى؟

اتمنى انكم تهتموا بالسؤال دة لانه بجد مضايقنى ومحيرنى

دهشني التناقض في طريقة تفكيرك يعني انتي مخطوبة لشخص محترم و عندك معرفة كاملة بعواقب تفكيرك الغلط بالعلاقة الجسدية
انا تفاجات لانك مترددة انه ممكن يكون تفكيرك صح او خطأ , الانسانة المخطوبة تفكر في حياة ما بعد فترة الخطوبة و ممكن انها تفكر زيك بالظبط لانها انسانة و لكن
هل فكرتي ان تعيشي اللحظة كما هي يعني بمعنى أصح لا تهتمي بالغد دعي الغد يهتم بنفسه و ثانيا لو انتي سمعتي للشيطان ممكن تفقدي احترام خطيبك ليكي و الاهم احترام نفسك , يا عزيزتي الخطوبة هي فترة لمعرفة الآخر ..أفكاره .. الاشياء يلي ممكن يشبهك بيها او حتى التي لا يشبهك بها وكما انه ليس من الضروري خطيبك ان يشبهك ممكن ان يكون يكملك و بالنسبة الى افكارك تجاهه بالجنس لازم تحاربيها و ذلك انك تصلي للرب و تتذكري انو جسدك أمانة لازم تحافظي عليها و لازم تفكري باهلك و كمان اذا شعرتي بضعف امام تفكيرك لازم تحاولي انك ما تكوني مع خطيبك لوحدك و انما يكون معك حد من اهلك
سأصلي للرب من أجلك و انتي ايضا صلي للرب لكي ينقذك من افكار الشر

متخافيش كل دى حروب من عدو الخير بصى انتى مخطوبة وعارفة وفاهمة ان الخطوبة دى مجرد فترة تعارف واختبار للطرفين يعنى ممكن تنجح وممن لا يبقى انتى مينفعشى تسلمى نفسك لية ابدا اما الافكار فهى طبيعية لانك بتحسى بميل لخطيبك يعنى شهوة بمعنى اوضح وصريح شوية معلش
طيب اكون انا صريحة معاكى اكتر ممكن بنت مش مخطوبة خالص وتحس وتفكر فى شخص نفس التفكير
يعنى متخافيش صدقينى -- بس انتى خليكى ثابتة اطلبى معونة ربنا دايما وخلى فكرك طاهر وجسدك طاهر بولس الرسول بيقول انتم هياكل الله وروح اللة يسكن فيكم
فى حاجات مطلوبة منك تعمليها متقدميش اى تنازلات ابدا يعنى متخلهوش يمسك ايدك ولا يقرب منك اوى ويحط ايدة عليكى خلى الامور تبقى طبيعية وحلوة ومقبولة مخطوبين يعنى اخوات والكنيسة عملت الخطوبة للتعارف بس لان دى دايما بتكون البداية اى تنازل منك مهما كان بسيط بتكون هى دى البداية لاى غلط بعد كدة وخلى بالك كل ما كنتى صعبة كلما كنتى اغلى واثمن عندة صدقينى
ربنا معاكى ويفرحك دايما ويقويكى على كل محاربات عدو الخير متخافيش امسكى فى يسوع ومتخافيش

بصي اكيد الشيطان مش بيسيب حد وبيلعب بافكارنا كتير بس اول لما يجي التفكير دة في دماغك علي طول قولي في بالك بارك علاقتنا يارب وبجد التفكير دة هيروح علي طول ربنا معاكي

كلنا مرينا بالموضوع ده وكل اللى أنا عايز أقولهولك بإختصار ( فى العجله الندامه ) .. كل شئ بأوانه وهاتاخدى اللى إنتى عايزاه بس كله بأوانه.

سلام ونعمة
هقولك حاجة بسيطه , انت قولتي انك مخطوبة والخطوبه ممكن تتفك ولو انتي فكرتي فيه اثناء الخطوبه بفكر جنسي (علي حسب ما فهمت ) ممكن تفكري فيه بنفس الطريقة لو سبتوا بعض _ربنا ما يسمحش _ واظن ان ده غلط . لان دي نقطة ضعف ممكن يستغلها الشيطان , متسيبلهوش باب مفتوح .
ربنا يوفقك في خطوبتك وجوازك .

اختي كل ده عطش روحي زي ما قال مخلصنا من يشرب من هذا الماء يعطش ايضا لكن اذا دخل المسيح حياتك تاكدي اني الفكرة دي هتموت
اما بالنسبة للجنس في الجواز هو شي مقدس كما قال بولس الرسول
ليكن الزواج مقدسا والمضجع غير نجس

للاخت صاحبت سوال محرج انا قريت التعليقات بس سا محونى فى كتير منها مش واقعى خالص هو مثالى قوى (اللى هو ازى تفكرى كدة ............) معلش يمكن لانهم ما مروش بدة او الموضوع بالنسبه لهم مستحيل بس صدقينى انا شفت ناس كدة كتير ودى مش كارثه بس هى ممكن تؤدى لكارثه انك تطاوعى الافكار دى بصى يا حبيبتى اهم حاجه انك تستمرى تحاربى الافكار دى انك تتشغلى باالتجهيز للفرح او الخدمه او البييت بس حاولى كمان حاولى الحوار الرومانسى بينك وبين خطيبك ما يدخلش ف اى ناحيه جسديه لان دة بيستغله الشيطان جامد يعنى حاولى لما الحوار ينحرف عن الطريق اللى انتى رسماه غيرى الموضوع او اقفلى السكه وكلميه بعد شويه وصدقينى بعد الجواز الاحساس بيتغير خالص مش بيبقى شهوانى كدة (يارب اكون ساعدتك)

صلى كتير من اجل الموضوع دة وبصدق وصدقينى الرب هيعينك ويبعد عنك الحرب دة واهربى من اى شىء او موقف ممكن يوقعك فى الحرب دة وركزى فى معرفة صفات خطيبك واخلاقة وعيوبة وعلاقتة بربنا وصلى بردة ان الرب يكشفلك اى شىء وحش فية وانة مايسمحش تكملوا فى مش هى دة ارادتة ولو ارادتة يكمللكم ارتباطكم بسلام ولتكن ارادتة وحدة فى حياتك امين
وصدقينى الحب الكامل هو الى مش داخلة شهوة جسدية فا خلى حبك نقى طاهر علشان كمان تفضلى غالية فى نظر خطيبك وعلشان الشيطان مايدخلش من خلال الخطية دة ويخرب كل حاجة حلوة ربنا يسوع مايسمحش.
وربنا يكون معاكى ويعينك ويطهر كل حواسك وافكارك ويقدسها لمجد اسمة امين.

سلام المسيح يكون معك يا اختي ، بالنسبة لتفكيرك شيئ طبيعي ولكن اجعليه لا ياخذ كل تفكيرك دي تجارب الشيطان حاربيه بالصلاة اجعلي تفكيرك بحياتك الحالية باخلاقه بتفكيره بتطابق افكارك مع افكاره ادرسيه من جميع النواحي واتكلي على الله فهو من يسير حياتك فاذا كان هذا الانسان في خير لك صلي لكي تتابعي معه وكل الامور الثانية اتركيها للمستقبل والله يكون معك ويرشدك لما هو صلاح لك

سلام ونعمه يا بوسبوس سؤالك جميل وجرىء وبيدل على إنك بنت المسيح علشان كده أنا أهتميت بالرد عليه لأنك حتفهمينى و الكلام اللى حأقولهولك حيحل لك المشكله . أولا كلامك بيدل على أنك بتحبى خطيبك وده شىء جميل جدا لأنه حينتج عنه زواج ناجح بإذن يسوع . بس كل اللى حأقدر أقولهولك إن كان فيه بنت جميله زيك كده ومخطوبه برضه بعتت سؤال لأبونا المحبوب داود لمعى بتقول له إن خطيبها شهوانى وعايز يحبها بطريقة أولاد العالم بحجة إنه بيحبها وكان رد أبونا داود لمعى إنها تقول لخطيبها لما يقول لها أنه بيحبها علشان تسلمله للغرض اللى فى نفسه لأ إنت مابتحبنيش المسيح بس هوا اللى بيحبنى ومات علشان بيحبنى أما إنت عايز تموتنى ده كان رد أبونا داود لمعى . أما سيدنا قداسة البابا بيقول فى الحالات اللى زى كده أعقلى وأتقلى . وأحب أيضا أن أقول لكى أن الزواج سر من أسرار الكنيسه السبعه ولايتم إللا بحلول الروح القدس فى الأكليل وكما يتم تجهيز الماده فى سر المعمويه لحلول الروح القدس وهى تجهيز المعموديه وصوم الأب الكاهن وصوم أم الطفل المعمد الى أخره وأيضا تجهيز الماده فى سر الأفخارستيه و الماده هنا هى الخبز وتحوله للجسد بحلول الروح القدس والأباركه وتحولها للدم أيضا بحلول الروح القدس . أما الماده فى سر الزواج هى الحب اللى بيحضره الخطيبين خلال فترة الخطوبه وبيحل الروح القدس على الحب ده اللى هوا مادتنا هنا وبيصير الأثنين واحد وبيكون زواج من عند ربنا . وده على فكره موش كلامى ولا رأيى ولكنه رأى أحد الأباء وإن كنت أعتقد أنه كلام أبونا المحبوب داود لمعى فى هذا الخصوص . أما إذا كانت مجرد تفكير يا بوسبوس وعايزه طريقه تتغلبى بيها على التفكير ده فا موش حينفعك فى هذا الخصوص غير رأى أب كاهن . وربنا يحافظ عليكى صللى من أجلى

قرات سؤالك اولا \ انظرى الية بانة راس المراة كما ان المسيح راس الكنيسة يعنى نظرة روحية انظرى الية بانة حاميكى كما ان المسيح حامينا انظرى الى الاشياء الروحية تجدى فيها سعادتك انظرى الى ماهو فوق تجدى راحة بداخلك الرب معكى واطلب من الجميع ن يصلو معى للاخت

أنصحك بالتناول من الأسرار المقدسة باستمرار طول فترة الخطوبة وخصوصا فى اليوم اللى هيزورك فيه خطيبك لأن المسيح الذى أخذتيه فى التناول قادر أن يحفظك من السقوط فى الخطية ---
ثانيا / ممنوع منعا باتا التواجد مع خطيبك فى حجرة مغلقة بمفردكم حتى لو كانت حجرة الصالون ولابد من وجود والدتك أو والدك أو احد أخوتك معكما الى أن تنتهى زيارة خطيبك لك ---
ثالثا / ممنوع الذهاب معه بمفردك الى شقة الزوجية لأى سبب من الأسباب حتى لايقع المحظور فى شقته وتكونى انتى اللى رحت بارادتك
رابعا / ثقى تماما أن جميع الرجال يعتقدون بأن من لا تحمى شرفها قبل الزواج هى غير قادرة على حمايته بعد الزواج وبالتالى لاتصلح زوجة يأتمنها على بيته وشرفه بالزواج منها

صلى دايما
والرب يسوع هيحفظك

يا رب يسوع اشكرك على نعمتك معايا
اشكرك على رفقتك ومساندتك ليا
اعطنى يا رب ان احيا طاهرا قلبا وفكرا
انشغل بك عملا و اشتاق اليك ساهرا
احفظ يا رب فكرى وفكر خطيبى ساعدنا
ان نتواصل من خلالك وتكون انت هدف حياتنا
امين

اختى عندما ياتى اليك هذا الفكر ف صلوات سهميه ممكن تقوليها مثلا زى ياربى يسوع المسيح ارحمنى
يا مخلصى اعنى ودبرنى ياربى طهر فكرى وانتى هتلاقى تفكيرك اطهر وربنا معاكى

واعضاء منتدانا رائيهم اية

المفروض انتى عارفة نتيجة الافكار دى المفروض متفكريش فى حاجة زى دى اولا عشان مجاش اوانها وممكن تحصل اى حاجة تنهى العلاقة يبق انتى مخدتيش غير التفكير الوحش وخلاص ياريت تسيبيها على ربنا وهو يتصرف وصلى كتير وروحى عند اب اعترافك وقوليلة وخلية يديكى تدريب للامر دة
ربنا معاكى ويحميكى ويكملكوا على خير

السلام والنعمه
شكرا اختنا الغاليه على تساؤلك الى كتير من اخواتنا واخواتنا بيمرو بيه
ممكن اقولك عادى انك تفكرى فى علاقتك بخطيبك بس مش نكمل التفكير باننا نقع فى فعله
لاننا اكيد كلنا عارفين نتايج الفعل دا ايه
انتى شايفه خطيبك بيحبك واكيد انتى بتحبيه ودا شىء جميل بس الاجمل تفكرو ازاى تحتفظو بالحب دا وبالشكل دا طول عمركم بعد الجواز
اختى الحبيبه يا ريت لما تيجى ليك الافكار دى توجهى نظرك ليسوع اطلبى منه يكون معاكى يحرس فكرك ويكون دايما وسطكم
لو فى وقت معيت انتى بتفكرى الفكر دا ؟ يعنى لو انتو لوحدكم مثلا فكرى فى اى حاجة مختلفه بسرعه
يعنى ممكن تفكرو فى الشقه فى الفرش فى حياتكم بشكل عام حاولى انك تغيرى فكرك وبسرعه
ولو مش معاه وجالك الفكر دا مهما كنتى بتعملى سيبى الى فى ايديكى وادخلى صلى وقوليله انا عايزة مشيئتك وبس خليك انت معانا علشان حياتى تكون منورة دايما بيك
انا اسفه للاطاله وربنا معاكى يحفظ فكرك وفكر خطيبك ويتمم على خير لمجد اسمه القدوس

صلو لاجلى