وجايه تقولى نرجع تانى

بعد الحب اللى كان بعد الأمل اللى مات زمان بتقولى نرجع تانى
كنت وهبلك كل حياتى بسمتى وحتى آهاتى بس أنتى قلبك انانى
صبرت على الجراح وداريت الدموع وقلبك داس على حبى وهان
ليه ساعتها دموعى رخصتيها وآلامى ماداويتيها ولو بكلمة حنان
وجايه تقولى نرجع تانى
جايه ليه بعد ما الجرح طاب جايه ليه تدوسى على الجراح
لاياقلبى أنسى خلاص وأفتكرى ان اللى مابينا كان ماضى وراح
زرعت فى قلبك البسمه ورويتها بحنانى وكنت بندهلك بنور الصباح
أنا دلوقتى بعيش أيامى مع قلب جديد نسانى قسوة كل اللى راح
وجايه تقولى نرجع تانى
شفت بعنيا لعبك بيا واقفه مع غيرى بتضحكى وتشاورى عليا
مقدردتيش طيبة قلبى وغيرتى عليكى وفى النهايه عايزه تتسلى بيا
بغيب مابتسألى وأما الدنيا تضيق بيكى وينساكى ناسك تجرى عليا
كنت بسامحك وأقول رجعت ليا وبترجعى تانى تنسى دمع عنيا
وجايه تقولى نرجع تانى
أنا خلاص من قلبك أن كان ليكى قلب من قسوتك وجراحك مليت
عليكى صبرت كتير وعشانك ضحيت كتير لكن دلوقتى أنا أتحبيت
حست بمشاعرى وحبى وقالتلى انت اللى من الدنيا وجمالها جنيت
زرعت معاها الأمل ونورتلى بضحكتها الطريق ومعاها انا غنيت
الدمع خلاص نسيته والقلب القاسى ودعته ومعاها بجد أنا حبيت
وجايه تقولى نرجع تانى
فى همس كلامها نغم وفى ضى عنيها ابتسامه تمحى الالم والاحزان
أشتكيلها من الأيام بلمسة حنان من أيديها أنسى الهموم مهما كان
مقدرش أوصفها فى كلمه وأقل تقدير أهديها القلب والوجدان
بنتنى بعد ماهدمتينى ورجعت الضحكه لعيونى وحسستنى انى انسان
لقيت فيها الجمال لقيت فيها اللى بتمناه انها من يتجسد فيها الحنان
وجايه تقولى نرجع تانى
جايه تقولى بحبك من تانى فكرانى هسامحك وأقابلك بالأحضان
أنسينى خلاص أنا عشت الحب ومقدرش أرجع زى زمان
فكرانى هحن وأرجعلك معقول حد يشتاق لحضن الأحزان
بتقولى أفكر وأراجع نفسى لا خلاص مفضلش فى قلبى ليكى حنان
أبعدى وأنسينى أن قدرتى انتى خلاص مش فى الحسبان

وجايه تقولى نرجع تانى
هههه بتقولى للدرجادى نسيتنى أديتينى أيه أفتكرك بيه
جرح وحيره وعذاب وقسوه بعد مالقيت الحنيه أفتكرلك ليه
بعدك قلت الآآآآه بحرقه دلوقتى حسى باللى سيبتينى فيه
معايا اللى لو قسى عليا أقدمله حبى وقلبى وعقلى هديه
الزمن دوار كنت فى ايدك ضيعتينى دوقى الذل وأنا معايا الحنيه
وجايه تقولى نرجع تانى

» لازم نرجع لربنا / / لازم نتوب كلنا
» لو حسيت بالضيق ترنيمة شكل تانى
» ترنيمة راجعلك انا تانى فايزة ناثان