إزاي تقابلي العريس لأول مره؟

[

هناك قاعدة تقول إن "الانطباع الأول يدوم"

يعني الفكرة اللي هياخدها عنك الشاب

اللي جاي ده في أول لقاء هيترتب عليها حاجات كتير أوووي

نفس الشيء بالنسبة ليك

الفكرة اللي هتاخديها عنه من أول مرة

هيترتب عليها حاجات كتير أوووي
علشان كده عايزكى تبقي ناصحة

وتقدري بأسلوبك وذكائك وجمالك تتركي انطباع كويس

عنك عند الشاب ده حتى لو محصلش نصيب
طبعا هتسألي نفسك وتقولي ازاي

ده أنا مكسوفة مووووت ومش عارفة أعمل إيه

وحاسة إني هلخبط الدنيا

وعمالة أتصل بصاحباتي

وكل واحدة تضحك عليّ ومحدش قال لي كلمة مفيدة

أقدر أستفيد بيها
ماتخافيش..

إحنا دلوقتي هنمشي معاكي خطوة خطوة ونقول لك تعملي إيه

_________________

الخطوة الأولى

جهزي نفسك نفسيا ومظهريا

1-

علشان ماتتعبيش نفسك وأعصابك على الفاضي

ياريت تشيلي من دماغك فكرة إنك بضاعة

جاي العريس يتفرج عليها لأن دي حاجة مش صح

وحطي في دماغك إن ده جاي يتعرف على البنت

اللي ممكن تكون شريكة حياته

وإن دي حاجة مش عيب

ومفيش منها أي تقليل من شأنك
_2

حاولي على قد ما تقدري تخلّي أعصابك هادية جدا

وتبعدي عن أي مصدر قلق أو توتر..

علشان التوتر ممكن يبان على وشك

واحنا مش عايزين كده احنا عايزين عروسة زي القمر

وياريت كمان قبل الميعاد ده تاخدي دش دافى

3-

بعد كده ادخلي الأوضة عندك وابدأي في اختيار لبسك..

وعلى فكرة النقطة دي بتحير بنات كتيييير أووووي

لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي

اللي انتي بتلبسيه وأنت خارجة..

يعني لو كنت بتلبسي بنطلون وبلوزة البسيهم بس ياريت

البنطلون يكون قماش مش جينز

أو لو كنت بتلبسي جيب وبلوزة البسيهم برضه

وده علشان يشوفك على طبيعتك في اللبس

وبلاش موضوع إنك تلبسي بدلة

لأن دي هتخلي الحكاية تبقى رسمي أوووي وممكن تبيّنك أكبر من سنك
واوعي تنسي تختاري الألوان اللي تكون مناسبة عليك وتنور وشك

-

4
لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم
5-

ياريت في اليوم ده ما تكتريش في المكياج

علشان ما تبقيش عاملة زي البلياتشو..

وخليك بسيطة جدا في مكياجك يعني كفاية أووي

إنك تحطي روج وترسمي عينيك بالكحل

والآي شادو وتحطي ماسكرا

وبلاش أحمر خدود

لأن طبيعي جدا إن وشك هيحمر في اليوم ده

فمش هتحتاجي لأحمر الخدود لأنه هيكون موجود طبيعي6-خليكي متفائلة وتوقعي الخير علشان تلاقيه خير

وتوكلي على الله

وفوضي أمرك إليه،

وادعي ربنا يوفقك في اللي فيه خير ليكيأعتقد إنك لو عملتي الحاجات اللي قلنا عليها دي

هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده

_________________

مرسى على المعلومات الجميلة

» ازاى بتحكم ام العريس
» بالصور لأول مرة منذ 30 عاما لجنة مبارك تشهد إقبالا شديدا لأول مرة منذ 30 عاما لجنة مبارك تشهد إقبالا شديدا
» سؤال: متى وردت كلمة { خطية } لأول مرة؟ ولمن قيلت؟