كاتب الموضوع : عماد نابليون & halaemad
2/20 /2010
ناقصك اية
؟؟؟؟؟؟؟؟؟؟؟؟؟؟؟؟؟؟؟؟؟؟؟
لما تاهت خطاوى الشاب عاطف ولفت بة الايام
فضل يفكر بينة وبين نفسة ويقول انا حاسس ان فى حاجة
ناقصانى
اية هى الحاجة دى مش عارف
وفضل ماشى عاطف وهو بيسأل نفسة السؤال دة
اية اللى ناقصنى
لحد لما لئقى نفسة واقف بالصدفة على شاطئ البحر
وسألة اية اللى ناقصنى
لو تعرف جوبنى
السؤال دة مغلبنى
وبدون سابق انذار البحر رد على عاطف
وقــــــــــــــــالــــــــــــة
البحر: يمكن ناقصك فلوس
عاطف: يمــــــــــــــــــــــكـــن
البحر : طب لو اتديك الفلوس هتبقة سعيد
عاطف: يمكن تعوضنى اللى ناقصنى
البحر : طيب جنب الصخرة اللى هناك اللى لونها ابيض
احفر وبعد ماتحفر هتلئقى شنطة فيها فلوس كتير خدها
وبعد خمس سنين تيجى وتحكيلى عملت اية
بعد خمس سنيين ماعدت
عاطف : انا جيت يابحر فاكرنى ولاة نسيت
البحر : فاكرك احكيلى عملت اية واية سويت
وياترى اللى كان ناقصك لئقيت
عاطف : اشتريت بالفلوس ارض وعربية وبيت
وكل اللى نفسى فية جبت
سفرت ورحت بلاد وجيت
واحسن لبس لبست
وكل يوم الفلوس بتكتر وعمرى ماخسرت
بس النوم راح من عينى من بعد ماشبعت
مشيت فى سكك كتير مش بتاعتى
وناس قربت منى وناس ودعتنى
وعملت حاجات حسيت منها انى بعت كرامتى
والنهاردة رجعت عشان اشكيلك يمكن تساعدنى
من رغم دة كلة حاسس انى لسة باردو فى حاجة نقصانى
عندك حل تانى
لو تعرف جوبنى
السؤال دة مغلبنى
البحر : يمكن نقصك السلطة بردو الاحساس بالقوة حلو ماتجرب
عاطف : تفتكر يمكن يكون عندك حق وجايز يكون دة الحل
البحر : طيب بكل الفلوس الكتيرة اللى معاك اشترى بيها اعلة المناصب
واكبر واكبر واكبر لحد لما تحس انك بئقيت كبير
وتيجى بعد خمس سنيين وتقولى عملت اية
بعد خمس سنيين ماعدت
عاطف : انا رجعت يابحر على حسب معدنا
وبئقيت كبير قوى زى ما انا وانت اتكلمنا
وبئقيت بتحكم فى ناس كتير وبكلمة منى الكبير يصغر
والخطوة بتاعتى بئقت بحساب بس السلطة طمعت فيا الكلاب
وكل اللى حواليا وشوش حلوة قدامى وفى دهرى بتكدب
وانا اتعلمت صفات كتيرة مش حلوة منها النفاق والكدب
وبرغم هبتى نفسيتى من ورق بسرعة بتتعب
النوم راح منى اكتر وبئقيت بخاف من كل حاجة
وكل المشاعر البريئة بئقت عندى باردة
وبرغم قوتى حاسس انى قليل الحيلة
وشايف الشوك حوليا بعيون جميلة
ونرجع تانى للصفر
هو هو نفس الشر
زى مايكون عليا سحر
ومفيش حاجة عايزة تتغيير
ونفس السؤال الصغير
اية اللى ناقصنى
البحر : نجرب حاجة جديدة وانا حاسس انها هتكون مفيدة
اتنازل عن الفلوس والسلطة وجرب الحب فى بلاد بعيدة
دى حاجة منى ليك يارب تكون الحاجة الاخيرة
حب من قلبك وارجعلى هنا انت وحبك
واوعى تجيلى تانى لوحدك
وبعد خمس سنين ااقبلك
بعد خمس سنيين ماعدت
عاطف : انا رجعتلك والمرة دى راجع مكسوف
عايز احكيلك وقلبى خايف وكمان ازى احكى مش عارف
حبيت واللى بحبها سبتنى عشان ضعيف
خلت قلبى اتملاة بالشوك
انت عارف لو هقولك هتستغرب
الحب زمانة راح واللى فاضل منة بس شوية رياح
زى النسيم الدافى فى عز الشتا عمرها ماتدفى ولاة تخليك ترتاح
ومش عارف السبب اية كل اللى عملتة فى ثانية راح
ودلوقتى عايش حياتى من جراح لى جراح
حاسس انى غريب وفى دنيا غريبة
واللى حوليا كلهم ناس مش طيبة
ومش عارف العيب فيهم ولاة فيا انااااا
بئقيت حاسس انى مجنون
وشايف كل الناس بتخون
وبئقيت بسال نفسى دة يرضى مين معقول؟
ومين يصدق ومين يقول
انى اللى حصلى دة حقيقة بتكون
ساكت يابحر المرة دى لية
الحل فين وعند مين الئقية
البـــــــــــــــــــحـــــــــــــــــــــــــــــر
انا بصراحة مش عارف ااقول اية ليك
عينى بتضحك وقلبى بيبكى عليك
عشان انت انسان غبى
بعد سنيين عمرك ماجريت جى تانى ولسة بتسألنى
اللى نقصك اية
لو كنت فكرت شوية يمكن كنت فتحت
وشوفت الحقيقة بنفسك واستريحت
ان اللى ناقصك حب ربنا ليك
بتدور من برة والمفروض يكون جوة منك فيك
كان معاك الفلوس وعشان ربنا مش مبارك فى الضياع طارت
وكان معاك السلطة وعشان ربنا خد منك الحكمة سلطتك دمرتك
وكان معاك الحب بس حب من غير ايمان خلي الشك ملاة قلبك
وعشان نفسك ضعيفة مشفتش حد جنب منك
وبنفسك ضيعت نفسك
ويارب تكون عرفت اية اللى نقصك
هو كدة الانسان ديما جبان
بيفرح لما بيخون وماهو مايعرفش انة اللى بيتخان
بس للااسف وقتك خلص
يعنى اللى فاضل معايا ليك
شوية وقت قليل عليك
يعنى تقدر تقول حلاوة روح
ساعات وزمنى وزمنك يروح
ومابقاش ينفع انسان مجروح
انة يبكى على حاجة فى لحظة بتروح
يارب تكون فوئقت
يارب تعجبكوم
موضوع: عشان انت انسان غبى 
