مقياس سموى

مين مقياس سموي؟؟!!


أكيد تحب تسمو وترتقي بحياتك... بس إزاي تسمو؟؟
ومين هيكون مقياس سموك؟؟
يعني تحب تسمو فى نظر مين؟؟

تعالوا نشوف شخصيات تاريخية عملت إيه لما إحتاجت تسمو.. تعالوا نشوف إتصرفت إزاى وحاولت تسمو فى نظر مين بالظبط وإيه التمن اللى دفعوه؟

لوسيفار"زُهرة بنت الصبح":- (السمو علي الله)
هو الشيطان قبل سقوطه بعد ما الله خلقه خاتم الكمال، كامل في طرقه، ملآن حكمة، كامل الجمال، رائع العزف عشان يعبده ويسبحه.. فكَر يصعد للسموات ويرفع كُرسيه فوق كواكب الله ويصير مثله فسقط للهاوية (حز28: 11) و (إش14: 4- 17)

نبوخذ نصَر:- (السمو في نظر نفسه)
نسب المجد لنفسه لما قال "أليست هذه هي بابل العظيمة التي بنيتها بقوة إقتداري ولجلال مُلكي" وف نفس اللحظة إتسخط حيوان (دا 4: 28) لأن مجد العالم يزول (1بط 1: 24)

هيرودس أغريباس:- (السمو في نظر الناس)
تجمل وجلس علي عرشه لينال مدح وإعجاب الناس فرأوه إله فصار في الحال الدود يأكله ومات (أع12: 21)
لأن السمو في نظر الناس يتنافي مع السمو في نظر الله (غلاطية 1: 10)

تعالوا نشوف بقى إنسان عظيم كان السمو بالنسبه له حاجة تانية وهو:

سيدنا موسي:- (السمو في نظر الله)

رفض مُلك مصر وغناها وخزاينها وإختار عار المسيح
رفض الوثنية المصرية رغم عظمتها وإختار المسيح
رفض الولاء لإبنة فرعون وإختار الولاء للمسيح
رفض التمتع الوقتي بالخطية وإختار الذل مع شعب الله في البرية.
فاصبح كليم الله وقائد شعبه

إحنا دلوقتى قدمنا لحضرتك شخصيات مختلفة حاولت تسمو وشفنا إيه اللى حصل ليها،ودلوقتى الدور عليك إنك تختار طريقة السمو المناسبة ليك بعد ماعرفت التمن اللى دفعه كل واحد فيهم او التمن اللى حصل عليه كمكافأة ليه.

شكرا على الموضوع المتميز