الصداقة بين الشاب والفتاة على النت

الصداقة بين الشاب والفتاة من النت
وتطوراتها ومدى خطورتها
على الطرفين


كل إنسان مننا معرض للخطـــــأ ؛ للفشل ؛ لليأس ؛ للضياع
ده طبيعى جداً بس المهم اننا نتعلم من اخطائنا ونحاول نتغلب عليهاعلشان نكون احسن من الاول
الانسان بطبيعته البشرية معرض للخطية
وعدو الخير دايماً بيساعدنا على الوقوع فى الخطأ
لكن لو ايد ربنا ماسكانا صدقونى الوضع هيكون مختلف جداً

كتير من الشباب بيدخلوا على النت
وممكن كمان يكون ليهم اصدقاء مقربين جداً من خلال المواقع والمنتديات المسيحية
ده مش غلط ؛ لأن الانسان بطبيعته مخلوق اجتماعى
ميقدرش يعيش لوحده حتى لو كان ده على النت لأن أى مجال من مجالات الحياة
بشكل عام بتتطلب وجود روح التعاون

هكلمكم بنعمة المسيح عن موضوع مش اول مرة تسمعوا عنه لكن هو مهم جداً
ويهم كل بنت وخصوصاً كل بنت مسيحية
ممكن بعض البنات - ومش بقول كلهم –
تتعرف على واحد من اى منتدى على النت وتبدأ تتكون مابينهم صداقة وتتطور علاقتهم بعد كدة
ممكن الى حب
وممكن كمان مفيش مانع انه يوهمهما بأنه هيرتبط بيها على الرغم من انها
بتتكلم مع واحد متعرفش عنه اى حاجة خالص غير من كلامه معاها على النت
يعنى لا عمره شافها ولا عمرها شافته بيتكلموا وبس

انا كتبت الموضوع ده علشان عارفة ان فى بنات كتير بتمر بالحالة دى
بس مبتلجأش لحد علشان تعرف منه هى ايه موقفها من تصرفاتها دى ؟
هى كدة صح ولا غلط ؟ المفروض تثق فى اللى بيكلمها ده ولا تعمل ايه ؟

أولاً : مش المفروض خالص انك تكونى من النوع اللى بيثق فى كلام اى واحد او واحدة
من على النت بسهولة
لأنك متعرفيهوش فطبيعى ان الثقة متتكونش بسهولة الا من خلال مواقف كتيرة بتمرى بيها
مع الشخص اللى بيكلمك ده وعلى اساسها بتبتدى تكونى عنه افكار
وتعرفى هل الولد ده كداب وقال كدة لكذا واحدة قبلك
(( وصدقونى دى الحقيقة ده ممكن يكون يعرف ييجى ميت واحدة غيرك
ويقوللك انه مبيكلمش غيرك ومفيش
واحدة فى حياته غيرك وانتى .. وانتى .. ويخليكى تقولى بس .. ده الولد ده كويس ومفيش زيه
.. وترجعى تعيطى فى الآخر ))
وممكن برضو يعنى يكون كويس
وده احتمال بنسبة ضئيلة اوى 1 % مثلاً بس ده شئ نادر جداً
لازم يكون ليكى مرشد روحى امال ربنا هيتدخل ازاى فى الموضوع ؟
يعنى تكلمى اب اعترافك .. باباكى .. مامتك .. أخوكى .. اختك
بس يفضل اب اعترافك علشان تعرفى انتى بتتصرفى صح ولا غلط
وغالباً تعارف النت ده بيبقى كلام وبس وصدقونى ده كلام واقعى جداً وحقيقى
وبجد مهما العلاقة دى اخدت وقت برضه صدقونى هيطلع الموضوع مجرد كلام وبس

متخلوش العلاقة تتطور بسرعة زيادة عن اللزوم ومتخليهوش يعرف عنك كل حاجة
لأن الطيبة زيادة عن اللازم دى مش مفيدة
امشوا في العلاقة واحدة واحدة خالص وصدقونى علاقات الحب اللي بتبدأ على الرابع دى غالباً بتفشل
ما تشاركوش مع بعض عيوبكم وضعفاتكم ومشاكلكم الشخصية في أول العلاقة ليه؟

لأن الطرف الآخر بيستخدمها ضدك مع أول سوء تفاهم وصدقوني هيحصل سوء تفاهم أكيد بينكم
وساعتها هتفهموا معنى كلامى ده

لازم يكون الاحترام هو الاساس اللى علاقتكم مبنية عليه
متخليهوش يتعدى حدودو معاكى خالص مهما حصل
وبيني له انه لو قال حاجة غلط انتى هتتضايقى متخليش كل حاجة عادى كدة

انتى بنت المسيح ولازم تكونى مستحقة انك تكونى بنت للمسيح مش واخدة لقب مسيحية كدة وبس
متخليهوش يقوللك اى كلام مش فى وقته ويتحجج لك انه بكده هيتقرب اكتر ليك
فى طرق كتير اوى الانسان بيكشف للى قدامه عن اللى جواه من غير الكلام ده خالص
وبعدين انتوا مش مخطوبين يبقى مفيش اى داعى لكلامه بالطريقة دى معاكى
وانتى سهل جداً تكتشفى اللى قدامك ده بيتسلى ولا بيتكلم بجد
يعنى لو لقيتيه اتكلم الكلام ده وفتح مجال ليه لو لقى منك تجاوب يبقى خلاص انتهى الموضوع
وبكده تعرفى انه قال كدة مش ليكى بس لأ ده يمكن ييجى ل 100 واحدة قبل منك

كمان نقطة مهمة جـــــــــــــــــــــــــــــــــــــــــــــــــ ـــداً

رجـــــــــــــــاء محبــــــــــة علشان خاطر المسيح بلااااااااااااااااااااش الصــــــــــــــــــــــــورة بتاعتك توصـــــــــــــل خــــــــــــــــالص عنده
حتى لو قاللك ان علاقته بيكى هتنتهى
لو مورتيلوش صورتك مش لازم يشوفك دى اهم حاجة بجد يا بنات
اوعى تغلطى الغلطة الشنيعة دى وتديلو صورتك او حتى توريله صورتك
صدقينى الإنسان التافه اللى بيهموا الشكل وبيبعد عن الجوهر ده بيبقى عنده فراغ بيحاول يملاه وبس
ومش هيفرق معاه انتى حلوة ولا وحشة يعنى ده ممكن يكون عاوزك توريله صورتك بس علشان
يتمنظر بيها قدام اصحابه ويوريهم انك حلوة ويعمل نفسه الواحد اللى مفيش غيرو فى الدنيا
وهو اصلاً بيلعب بيكى مش اكتر ولا اقل كمان

خلى بالك انك لو وريتهاله على الايميل بس ممكن برضو ياخدها منك
مش شرط يعنى تبعتيهالو علشان تبقى معاه لأ ده ممكن ياخدها منك وانتى مش عارفة

بجد بزعل جداً لما بشوف بنات كتير حاطة صور ليها وممكن تكون لابسة فيه لبس لايليق خالص
وحاطاها ممكن على موقع زى الفيس بوك كدة لأى حد يشوفها
انتى متعرفيش انك بكده بتسمحى لاى حد انه يعمل للصور دى كوبي عنده وبعد كدة فى برامج كتير
ممكن تركب الصور دى على حاجات مش كويسة ؟ وممكن يهددك بيها بعد كدة ؟
ليه كدة ؟
ليه تسمحى لحد ميعرفكيش انه ياخد صورتك ويعمل فيها كدة ؟ انتى بنت المسيح يعنى لازم تكونى مختلفة عن
اى بنت تانية

كمان نقطة مهمة اوى لازم تخلوا بالكم منها إن في كتير من الأوقات الطرف التاني بيحاول يمتحن العلاقة
وده بيكون من خلال طرق كتير.

مثلاً تلاقي احد الاطراف تراجع شوية عن العلاقة، أو افتعل خناقة علشان يزعل الطرف التانى منه او يضايقوا
بكلام معين علشان يختبرو بيه ويعرف هو هيتصرف ازاى فى موقف زى ده وبيفكر ازاى
وهل هو عصبي ولا لأ .
ممكن يمر أسبوعين من غير ما الطرف الآخر يتصل.
ممكن حتى يحاول يثير غيرتك بأنه/ إنها يغازل شخص تاني او يكلمك عن واحدة | واحد تانى
في كل مرة بيحصل حاجة زى كدا خليك/ خليكي تقيل \ تقيلة.. ليه؟
لأن الطرف الآخر في الحالة دي عايز يعرف هل أنا حر إني أسيب العلاقة وقت ما أعوز ولا لأ.
هل هى \ هو بعد الموقف ده هيعاملنى زى الاول ولا لأ
حاولى تجربيه بكذا طريقة متخليش نفسك من النوع اللى ممكن يوافق على اى حد كدة والسلام

أوعوا في الحالة دي تتمسكوا بالطرف التاني أو تطلبوا منه يرجع.
يا ما ناس عاشوا طول عمرهم من غير ما يرتبطوا بسبب إنهم معرفوش يتقلوا وقت الامتحان ده
معظم العلاقات اللي بتستمر أكتر من سنة وبتبقى ماشية ناحية الارتباط، بتواجه الامتحان الأعظم
واحد من الطرفين بيقرر ينهي العلاقة.
الشخص المرفوض محتاج في الوقت دا يعرف إن طريقة معالجته للموقف هي اللي هتحدد مستقبل العلاقة
وفي أوقات كتيره بيتصالحوا أو بيتجوزوا.
لو ماحصلش مهما اتذللت أو اترجيت الآخر إنه يرجع لك مش هيحصل فمتهينش نفسك لأى سبب
من الأسباب حتى لو كنتى بتحبيه جداً ومفيش غيره فى حياتك برضه بينيله انه ولا فارق بالنسبالك ان الموضوع ينتهى
ثقى تماماً ان ربنا مدبر طريق حياتك وهيختارلك الإنسان المناسب ليكى وانك مش قليلة واى
حد يتمناكى فمتهينيش نفسك مهما حصل
أوعى تحسس الآخر إن قيمته جاية من شكله الخارجي
متطلبش من الآخر إنه يكون كامل وإلا هو هيطالبك بنفس الشيء والشكل الخارجي بيتغير بسرعة

كمان اوعى يوهمك انه مثلاً لو هو مش متدين دلوقتى او هو بعيد عن الكنيسة
او مثلاً فى اى حاجة سلبية فى حياته مش عجباكى
( زى مثلاً انه بيشرب سجاير ؛ الخيانة، الغضب، عدم الالتزام الروحي ؛ شرب الكحوليات ؛
تعاطى المخدرات .... اى حاجة تانية)
اوعى تتوهمى ان كل ده هيتغير علشانك بعد الجواز او هيتغير بيكى او علشانك كل ده كلام وبس
صدقينى محدش بيتغير بعد الجواز،
الإنسان الكويس كويس طول عمره والوحش مفيش غير امل ضئيل اوى انه يتغير وكمان انتى
لو ارتبطتى بإنسان كويس
هيساعدك انك تكونى احسن ولو ارتبطى بواحد اخلاقه مش اوى هينزلك لمستواه

و صدقوني الوحدة طول العمر وانك تعيشى من غير ارتباط خالص
ده أحسن مليون مرة من انك ترتبطى بشخص مش مناسب ليكى

وبجد يا جماعة موضوع ارتباط النت ده بيبقى مجرد كلام وبس مهما طالت مدته
المشكلة كلها ان البنات مخلوقات رقيقة وبتتأثر وبتتجرح بأى موقف يمر بيها فى حياتها
ياريت متسمحيش لأى واحد مهما كان انه يأثر عليكى ده بيبقى فراغ فى حياتك انتى واللى بيكلمك
وبتحاولوا تملوه بأى حاجة تانية فمبيقاش قدامكم غير انكم تتكلموا وبس
حاولى تشغلى وقتك

وقتك ده اللى هو وزنة ربنا هيحاسبك عليها
ويقوللك انتى ضيعتى وقتك ازاى وقضيتيه معايا ولا مع حد تانى
حاولى تشغلى نفسك بالخدمة ؛ بدراسة الكتاب المقدس
اللى عن طريقه هتعرفى تاخدى قراراتك للمواقف اللى بتقابليها فى حياتك ؛
اعرفى مين هو المسيح اللى ضحى بحياته علشانى وعلشانك وعلشان كل الخطاة
واتنازل من عرشه علشان يكون على عود الصليب متألم من اجلنا


ربنـــــا يحافظ على كل بناته وأولاده دايماً

شكرا ليكى

شكرااااا مرورك مريم