إلى أيامي الجميلة هنا

إلى كل من ذكرت أسمائهم

وإلى كل من لم أذكر

..

إلى أيامي الجميلة هنا

بكل المحبة..أعتذر إن كان النص لا يليق بالكبار

...

وكان ياما كان

قلوب موجودة وسطينا..

وكان فيه كير من الأقلام,,

لكن غابوا

فغابت عننا الأحلام

كتير كنا بنتلاقى

وفينا حنين

ولو حتى بقالنا دقيقة متقابلين

زمان الحب عدى وراح

وأما اليوم..

أنا مهموم..

كتير لما بنتلاقى ومش ظاهرين

أكيد حاضرين

أكيد سامعين

معاذ الله..أنا مقدرش أقول أصنام

شويعر كان..

ويحيي زمان..

وهمسة وشاعر الوجدان..فؤاد الروح

وكان محمود هنا موجود

وجارحي اللى صَبَح مجروح

وكان وسطينا يا اخوانَّا علاء الدين

وكان فينا عمر رامي ونور الدين

ووسط الكل حدوتة

وفلافيلو كبير الجان

وكان الشيمي بيدندن مع العطار

وبيرو و حوا مع موجة

وأحباب تانية فارقونا

بلا ضجة ولا هوجة..(وفـِ الإمكان)

ماقال قلبي,,وبسذاجة يعود الكل من تاني

ونسمع نبضة الأحلام

وتتخَضَّر مع الايام

ورود دبلانة مـِ الفـُرقة

لكن أنفاسنا شرقانة وخلاص بنموت

انا قلت اللى كان عندي

وهستنى الأمل بكره

ولو بكره ماجاش وياه,,

مفيش إشكال

مالوش لازمة الأمل ننساه

هعيد الحلم من تاني

ويبقى الشوق تمللى معاه

ده مهما البُعد فرقنا

أكيد راح يبعده شوقنا

وترجع لينا أحلى حياة