عايزين تعرفو البنت لما بتحب بتعمل ايه

عايزين تعرفو البنت لما بتحب بتعمل ايه

:::::::::::::::::::::::::::::::::::::::::::::

البنت من دول لما تيجى تكون معجبه بولد شوفوا بتعمل ايه بقى

تفضل راحه جايه من ادامه علشان تلفت نظره

وبعدين لو مش خد باله تعمل ايه تخلى واحده زملتها تيجى جمبه وتنادى عليها ( نفيسه )

وبعدين لما الواد ياخد باله تغير الخطه طبعاً وتعمل ايه بقى

تشحت لها طاقمين من واحده زمليتها وتمشى بقى تتمختر ( على اساس ان ابوها رئيس مراجيح مولد النبى )

وبعدين لما خلاص الواد يندب فيها ويمشوا مع بعض

تروح شاحته برضوا موبايل واحده صاحبتها

وتخليها تتصل بيها وهى معاه

وشوف بقى ايه اللى بيحصل فى المكالمه

الوووووووووو بابى ازيك

لا انا مش جايه دلوقتى مش تبعتلى عم عبده السواق

اه انا معزومه عند فكيها صاحبتى على الغداء

اوكى بابى مع السلامه يالا باى

وطبعا انتو عارفين الحركات دى

وبعد ما يمر كام شهرر

تيجى تقوله حبيبى انا مش عنت بعرف اذاكر كل ما افتح الكتاب بشوف صورتك

حبيبى ارجوك كلمنى كل يوم علشان اطمن عليك وانام واخر حاجه صوتك فى ودنى

وخدو يا بنات النصايح دى كمان عشان المنفعة العامة
أولا : الولد بيحب البنت الرقيقة

رفّعوا صوتكم يا بنات
و أول ما تشوفى حاجه وحشة .. سورقى
(يغمى عليكى)
من كتر الرقة
عيطى كتير . العياط دليل على الاحساس المرهف . أوائيله .. نكدى عليه الليلة .

ثانيا : الولد بيحب البنت الرومانسية

سبّليله
.
اسرحي كتير
كلميه عن القمر و حاجات من دى
.قوليله شايف القمر يا عتريس
لازم تكونى هيمانة و انتى بتتكلمى
. و يكون صوتك واااااااطى ..
يادوب وشوشية

ثالثا : الولد بيحب البنت المؤدبة

قولى له انه اول واحد فى حياتك حتى لو كنتى متجوزة قبل كده و حامل فى توأم..

و لو سأل على انتفاخ بطنك قولى له كيس دهنى
و لو عارف و متأكد انه كان ليكي علاقات كثيرة زيه
ردي عليه : دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل
style

كل ما تشوفى حاجه جديدة قلديها . يقولوا الموضة الشعر الاصفر .. اضربيه اصفر .. الموضه القصير .. قصّريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك
..
دى بتغير منك و مش عايزاكى تبقي على الموضة
.
ملحوظة : لو مش عارفة ايه الموضة اختارى لك واحدة معينة او مذيعة و قلديها .. خليكى نسخة منها .

خامسا : الولد بيحب البنت الدلوعة

سادسا : الولد بيحب البنت الجذابه اللى بتكون محور اهتمام الآخرين

فهميه ان فيه تانيين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألّفي قصص وهمية عن الأولاد الهيمانين فيكي و اللي انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
مش مهم هو لابس ايه .. انبهرى و خلاص

يا سلام !! انت تقاطيع وشك حلوه بشكل
( حتى لو كانت ملخبطه )

و طول مانتى قاعده اشكرى فيه.. خليه كده قاعد نافش ريشه . و مزأطط ع الاخر .

ثامنا : خليكى دايما معاه

كل شويه كلميه فى التليفون بأى حجّة . قابليه فى كل حته يروحها . إعملى عليه كمّاشة . بحيث مايعرفش يفلفص منك و لا يشوفش غيرك ادامه . روحى له الشغل

تاسعا : عددى مواهبك

اكلك لازم مظبوط
قوليله انا ملحي فى الاكل لا كتير ولا قليل وبعمل شاى سكر زياده . وبلون البيض المسلوق .

عاشرا : رغم حبك الشديد للحرية والانطلاق

قوليله انت مالك وقتى وتفكيرى
مش عارفه اعمل حاجه الا انى افكر فيك
مليت عليّا ايامى شغلت ليّا الزمن

النتيجة
:

لو الولد وقع فى دباديبك و قال عاوز يرتبط بيكى : اوعى تقولى ايوه
!
لااااا
..
اتقلى شوية . اعملى نفسك بتفكرى .. سهريه .. لوعيه .. بهدليه .. لكن ماتتقلّيش العيار ليطير منك
.

لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه
.

ملحوظة
:
كررى الخطوات من 1 - 10مع ولد تانى بعد جمع معلومات و عمل تحريات عنه و التأكد من انه فاضى . غير مرتبط

هههههههههههههههههههههههههههههههههههههه